ليش الساعه صارت اداة للمفاخره منو لابس الاثمن ؟
ليش فجأه كل الشعب هبوا بجواتي تومز؟ مكرم السامع!
ليش نسمع صوتنا بتسجيل الفيديو غير عن الحقيقه؟
ليش مانخجل من ربنا عند وقوفنا بالصلاة ونصلي بخشوع دون ما يخطر على بالنا اي شي دنيوي ؟
ليش محد قام يتعالج بمستشفيات الحكومة وصارت وظيفتها تعطي طبيات فقط لاغير؟
ليش كل البنات يسوون ليزر؟
ليش صار لبس البنات اللي نشوفهم بالمجمعات والاماكن العامه موحد نفس الستايل سواء محجبات والا سفور ويعصبون على لبس المدرسه ما يحبونه؟
ليش صار عيب الواحد يكون موجود بالصيف بالكويت؟ مو غصب السفر..
ليش في ناس يلبسون عدسات ملونة؟
ليش في بنات الصبح شعورهم قصيره ونشوفهم العصر بنفس اليوم الشعر لاخر الظهر؟
ليش الناس بطلت تقرأ الكتب؟
ليش الناس اذا شافوا واحد بحاله ماسك كتاب يقرا قالوا يعني مندمج شوفوني مثقف اقرأ؟
ليش الدوام صار مصدر للمغثه اكثر مما اهوا خدمة وكيان؟
ليش القعدة حق صلاة الفجر ثقيلة وايام تطوفنا لكن من يرن المنبه حق الدوام نقوم ؟ والله عيب !
ليش اذا سافرنا وتسبحنا بماي مو كويتي شعورنا تتنتف وتطيح وتصير اشبه بالبلاستيك؟
ليش ٩٠٪ من الشعب صار عندهم ماجستير ونصهم ما كانوا مكملين الثانويه قبل؟
ليش ما يغطون الكويت كلها بمظلات متحركه تسكر الصبح وتفتح بالليل تقلل الحراره؟
ليش ما نستخدم الطاقة الشمسيه نشغل فيها الكهربا عالاقل شمسنا شي مضمون وماراح تنقطع الكهربا بصيفنا؟
ليش ترميم مطار الكويت مو راضي يخلص؟
ليش الشعب يحمل جهازين لا ثالث لهما ايفون وبلاكبيري؟
ليش وليش وليش الموبايل صار شي مقدس عند البعض لا يسمح لاي شخص الاقتراب منه ؟
ليش وليش وليش؟؟ ليشاتي وايد لان حياتنا ليش بليش، اكتفي بهذا القدر منعا للملل..
واذا عندك قارئي العزيز (ليش) لا تبخل بها علي.. اتشرف باضافتك
تحياتي.. (:
- Posted using BlogPress from my iPhone
